Arrain zuriak
Zapoak

Lophius piscatoriusMON

EUS
zapo zuri

danbolin
itsas-zapo
itxasapo (Mdk)
itxasapo zuri
itxosapo (Arm,Brm,Eln)
itxosapo zuri
sapu (Get)
xapo
zapo (Stz,Arm,Brm,Mdk,Lek,Ond)
zapoa
zapo zuria

danbolin | itsas-zapo | itxasapo (Mdk) | itxasapo zuri | itxosapo (Arm,Brm,Eln) | itxosapo zuri | sapu (Get) | xapo | zapo (Stz,Arm,Brm,Mdk,Lek,Ond) | zapoa | zapo zuria
CAS
rape blanco

aguarón (Ast)
embarroco (Gal)
juliana (Gal)
rape común
rana blanco (Cnt)
rape (Gal)
peixe de tamboril (Gal)
peixe sapo (Gal)
peixotín (Gal)
peje sapo (Gal)
pescantín (Gal)
pez de tamboril (Gal,Ast,Cnt,Lrd)
pigotín (Gal)
pijotín (Gal)
pixín (Ast)
pixín blanco (Ast)
rabada (Gal)
rana pescadora
sapo (Gal,Ast,Cnt)
xuliana (Gal)

aguarón (Ast) | embarroco (Gal) | juliana (Gal) | rape común | rana blanco (Cnt) | rape (Gal) | peixe de tamboril (Gal) | peixe sapo (Gal) | peixotín (Gal) | peje sapo (Gal) | pescantín (Gal) | pez de tamboril (Gal,Ast,Cnt,Lrd) | pigotín (Gal) | pijotín (Gal) | pixín (Ast) | pixín blanco (Ast) | rabada (Gal) | rana pescadora | sapo (Gal,Ast,Cnt) | xuliana (Gal)
EN
FR
angler, monkfish
baudroie commune

Kontsumo eta errute garaiak

Urt.
Ots.
Mar.
Api.
Mai.
Eka.
Uzt.
Abu.
Ira.
Urr.
Aza.
Abe.

Gutxieneko tamaina
>30zm
Arrantza mota
- DESKRIBAPENA: Mallabakarra hondoko mailasare finkoa da. Pieza bakarra izan dezake, edo elkarri lotutako zenbait pieza, baina haietako bakoitza sare-oihal bakarrekoa, eta mailasare angeluzuzena osatzen dute. Mailasarea 4.500 metro luze da gehienez, eta 3 metro garai gehienez.
  
  Iturria: PRESPO Informea (AZTI, 2012)
  
  INPAKTUA: Beste arrantza-txankuekin alderatuta, sare hauetan inpaktu handiena itsasoko hondoarekin kontaktua duen azalerak sortzen du, hondo harrokatsu nahiz areatsuetan. Sareak bota eta jasotzeko itsasontzien motorren beharra egon ohi da. Mallabakarrek era ezberdinetako inpaktuak sortzen dituzte, eta itsas-ornogabeen, hondoetako espezieen nahiz espezie pelagikoen, marrazoen edota arraien by-catch maila altua da. Harrapaketen deskarte-maila ere altua da, tresmailaren ondoren, altuena. Mallabakarren zatiak apurtzen direnean itsas-zaborra eragiten da.
  
  Iturria: EBARTESA Informea (AZTI, 2022).
- DESKRIBAPENA: Tresmaila hondoko mailasare finkoa da, eta arlingara finkatzen diren gainjarritako hiru sare-oihalek osatzen dute. Kanpoko bi oihalak aho-neurri berekoak dira, beti barruko oihala baino maila zabalagokoak.
  
  Iturria: PRESPO Informea (AZTI, 2012)
  
  INPAKTUA: Beste arrantza-txankuekin alderatuta, selektibitate-maila txikiena duen artea da, eta beraz, inpaktu handiena duena eragiten duena. Tresmailek deskarte eta bycatch altua dute hondotako espezieetan (arrain nahiz ornogabeetan), espezie pelagikoetan (arrainak, marrazoak edota arraiak), eta hainbat itsas-hegazti urpekaritan; gainera, itsas-dortoka eta itsas-ugaztunentzat (adibidez, izurdeak) arriskutsuak izan daitezke. Sare hauen hausturak itsas-zaborra eragiten du, eta hautsitako sareekin mamu-arrantza gerta daiteke gainera.
  
  Iturria: EBARTESA Informea (AZTI, 2022).
- DESKRIBAPENA: Tretzak amudun txankuak dira, eta ama-soka horizontal bat dute; handik behar bezala bereizita zintzilikatzen dira potxera bertikalak edo punterak. Gure kostaldeko tretzen artean ohikoena hondoko tretza da. Tretzak hondoa ukitzen du zuzenean, eta beraz, hondoko espezieak harrapatzeko erabiltzen da. Hori dela eta, aparailuak sendoa izan behar du, hondo gogorraren marruskadura jasateko.
  
  Iturria: PRESPO Informea (AZTI, 2012)
  
  INPAKTUA: Txanku honek, batez ere, biodibertsitate handiko hondo harrokatsutan du eragina. Nabarmentzekoak dira, halaber, itsas zaborra sortzea, urpeko zarata eta maniobrarako beharrezkoak diren itsasontziko motorren erabilerak eragindako berotegi-efektuko gasen emisioak. Eragin biologiko handiena itsas-hegaztietan eta, neurri txikiagoan, dortoketan eragindako kaltetik eratorria da, eta baita marrazoen arrantza intzidentalaren ondorioz ere. Txanku zatien galera ohikoa izaten da eta beraz, ondorioz sortzen den itsas-zaborraren eta mamu-arrantzaren eragina ere altua da.
  
  Iturria: EBARTESA Informea (AZTI, 2022).
Ezagutza maila
Maiztasuna arraindegietan
Balioa

Biologia

Zapo zuria ekialdeko Ozeano Atlantikoan (batez ere Mauritaniatik Barents-eko Itsasora), eta Mediterraneo itsasoan aurkitu daiteke. Zapo beltzaren aldean, banaketa zertxobait iparralderagokoa azaltzen du. 50 eta 1000 m-ko sakoneratan aurkitu daiteke, batez ere hondo hareatsu eta lohitsuetan.
Tamaina ertain-handiko arraina da, bizi-iraupen handikoa izan daitekena. Izan ere, 200 zm eta 25 urteko adina izatera iritsi daiteke, lehenago arrantzatua ez bada.
Heldutasun sexuala aldakorra den arren, Atlantikoan normalean arrek 50-55 zm eta emeek 70-75 zm hartzen dituztenean eman ohi da. Errutea plataforma kontinentalaren barruan ematen da, Abendutik Uztailera bitarte.
Arrain hau nahiko sedentarioa da, bizitza bentonikoa ematen duena. Barrurantz okertuta dituen hortz handiei esker zapoa harrapakin handiak, bere gorputza baino are handiagoak izan daitezkenak, txikitu eta irensteko gai da; harrapakin hauen artean aipagarrienak zefalopodo, arrain eta krustazeoak dira aipagarrienak.
Bitxikeriak

Zapoaren adina estimatzeko, ilizioa (kainabera moduan erabiltzen duten apendizea, lehen arantza dortsal moldatua dena) erabili ohi da, beste arrain espezietarako erabili ohi diren otolitoak baino gehiago. Modu honetan 3 urteko zapo batek 20-25 zm dituen bitartean, 7 urteko zapoek 40 zm hartzen dituztela ikusi da.
Zapoen pankreatik atera zen lehen aldiz intsulina.
Duela hainbat hamarkada, zapoa ez zen batere preziatua, eta arrantzaleek normalean itsasora bueltan askatzen zuten, harrapatu bezain laister.
Arrak normalean emeak baino askoz txikiagoak izaten dira.
Eme bakar batek 3 milioi arraultz errun ditzake.
Zapo beltzarekin nahastu daiteke, batez ere azala kenduta aurkezten bada. Baina beltzarekin alderatuta, zapo zuria merkeago saldu ohi da, eta garesti izan arren, ez da beltza bezain preziatua gastronomian. Hau da zapoetan ohikoena eta ugariena den espeziea.

Interes gastronomikoa
Nahastutako espezieak
- zapo beltz

Lophius piscatoriusMON

zapo zuri

rape blanco

angler, monkfishbaudroie commune

Kontsumo eta errute garaiak

angler, monkfish
baudroie commune